Облыстық «Болашаққа жол өзіңнен басталады» семинар-тренингі өтті

Жамбыл облысы білім басқармасының ұйымдастыруымен 2021жылдың 07-08 сәуірі аралығында «Болашаққа жол өзіңнен басталады» тақырыбында екі күндік семинар-тренинг өткізілді.
Семинар-тренингке облыстың оқу озаттары мен дарынды балалардың арасынан 9-10 сынып оқушылары іріктеліп алдынды. Біздің «Жібек жолы мектеп-лицейі» КММ 9 сынып оқушысы Әбділда Айжан қатысты.

Жоспар бойынша 7-ші сәуір күні «Тәуелсіздік дәуірі. Төртінші өнеркәсіптік революция» тақырыбында дәріс пен тренинг өткізілді. Тренинг соңында қатысушылар өткізілген шара аясында өз ойларын, кері байланысты видео материал арқылы жолдады.
8-ші сәуір «Рухани жаңғыру-болашаққа бастар жол. Ұлы Даланың жеті қыры» тақырыбындағы дәрістен басталды. Дәріспен Елбасы кітапханасының әлеуметтік-білім беру жобаларының жетекші ғылыми қызметкері Акбота Хамитова таныстырды. Вебинардың 2-ші бөлімі тренинг түрінде командалық жұмыс-әлеуметтік жоба қорғауға жалғасты.