Шу ауданы білім бөлімінің «Жібек жолы мектеп-лицейі» ТЖ министрінің облыс бойынша оқу орындарында сейсможаттығулар өткізу туралы тапсырмасына сәйкес сейсмикалық оқу-жаттығуы өткізілді.

Шу ауданы білім бөлімінің «Жібек жолы мектеп-лицейі» ТЖ министрінің  облыс бойынша оқу орындарында  сейсможаттығулар өткізу туралы тапсырмасына сәйкес сейсмикалық оқу-жаттығуы өткізілді. Жаттығу барысында  мектептің алғашқы әскери  технологиялық дайындық пәнінің мұғалімі  Кобегенов Медет Әділұлы ұйымдастырумен мектептің техникалық қызметкерлері мен мұғалімдері белгіленген нұсқаулық бойынша барлық мектеп қызметкерлері мен оқушыларын арнайы соғылған дабыл бойынша қауіпсіз алаңға шығарып,тізім бойынша тексерілді.Арнайы құтқару топтары , ғимаратта қалып қалып қалған адамдарды іздестіріп,құтқару бойынша іс-шаралар ұйымдастырылды.

    Барлық қатысушыларға  жер сілкінісінен қорғану жолдары бойынша ақпарат жеткізіліп, қауіпсіздік шаралары туралы нұсқаулық берілді.

    Оқу-жаттығу барысында  Жер сілкінісі және Техногендік төтенше жағдайлар тақырыптарында түсіндірме жұмыстары жүргізіліп, қауіпсіз орынға жиналған білім алушыларға алғашқы медициналық жәрдем көрсетіліп, қорғану құралдарын пайдалану жолдары іс жүзінде көрсетіліп, түсіндірілді. Жаттығуға жалпы 753 оқушы қатысты.