Қазақстан Республикасы Білім және ғылым министрлігінің «Дарын» республикалық ғылыми-практикалық орталығы

Қазақстан Республикасы Білім және ғылым министрлігінің «Дарын» республикалық ғылыми-практикалық орталығы 2020 жылдың 15-16 қаңтар күндері Сулейман Демирель Университетінің базасында (Алматы қ.) дәстүрлі «Педагогикалық идеялар фестивалі» республикалық конкурсын ұйымдастырып өткізді.
Фестивальдің басты мақсаты - педагогтардың шығармашылық өзін-өзі жүзеге асыруын және кәсіби өсуін ынталандыру, Қазақстан мектептерінің басшылары мен мұғалімдерінің инновациялық тәжірибесін зерделеу және тарату болды. Осы фестивальға «Жібек жолы мектеп-лицейі» КММ жоғары санатты мұғалім, физика пәні бойынша педагог-шебер Баян Хамиджановна Джанкиева «Әртүрлі сабақтар, бірақ әрқайсында шебердің қолы...» ғылыми-жаратылыстану бағыты бойынша қатысып, жүлделі І дәрежелі дипломмен марапатталды. Әріптесімізге білім беру саласында нәтиже бере алатын қызықты педагогикалық идеяларыңыз көп болсын деп, сәттілік тілейміз!