«Жомарт түлек» жобасы

«Жомарт түлек» жобасы аясында наурыз айының 17 күні «Жібек жолы» мектеп-лицейіне мектеп түлектері ат басын бұрды. Сан салада ел дамуына сүбелі үлес қосып жүрген 2017-2018 жылы мектеп бітірген ерлі-зайыпты Бейбітұлы Әділәли мен Жақсымбетова Сара түлектеріміз жыл басы, күн мен түннің теңелер шағы Наурыз мерекесімен құттықтап, тілектерін жеткізді. Мектеп ұжымына, шығармашылық жетістіктер, салауатты денсаулық және білім мен ғылымды игеруде толағай табыстар тілеп, ізгі ниеттерін білдірді. Келген қонақтар оқушылардың күшімен ұйымдастырған концертті тамашалады.