«Әр отбасынан бір ағаш»

Жаппай ағаш отырғызу және елді мекендер мен аулалардың аумақтарын тазарту бойынша «Таза табиғат» республикалық акциясы басталды.
Бүгін «Жібек жолы» мектеп-лицейінің ұйымдастыруымен «Әр отбасынан бір ағаш» челленджі өтті. Оқушылар, ата-аналар, мұғалімдер бірлесіп, білім ордасының маңайын көркейтуге атсалысты.
Басты идея – табиғатты қорғауға оны аялауға өз үлестерін қосуға жұмылдыру, ата-бабадан қалған өсиетті жастардың бойына сіңіріп, ұрпақ сабақтастығын қалыптастыру. Басталған жоба аясында жүздеген ағаш бір уақытта отырғызылды. Игі шара әлі де болса жалғасын таппақ.